كلنا بنتولد وفي جوانا شوية حاجات ممكن تكون مواقف تصرفات أو ممكن يكونوا شوية تعب وأرهاق أو مرض أو حتى وجع في القلب وكسر لعواطفنا ومشاعرنا إللى بنعتبرهم كنزنا طول ما أحنا عايشين..
وبننسي حالة العقل إللى جوانا بكل قوته وأرادته وحتى حمايته لينا من أذى بعض البشر وغرورهم ومن بعض المواقف والتنافس إللى بيخليهم يمسحوا أبجدية ومعالم الإنسانية في تعاملاتهم …
ومفيهاش زعل خالص لو فجأة وقفت وقولت بس كفاية كده .
كفاية ضغط وقهر لنفسي وتعمل فوق طاقتى وسعيي أصل أحنا لينا طاقة وممكن جدا فجأة نلاقي نفسنا مش قادرين لا نكمل حياتنا ولا حتى نتكلم ندافع عن السنين..
لحظات كتير بنعدى فيها بشوية خبرات ومعلومات ومعرفة وثقافة وهما دول إللى بيكونوا حصيلة عمرنا من يوم ميلادنا لغاية ما بنقابل وجه كريم…
علشان كده لازم يكون عندنا ميزان ونكون متأكدين لو فضلنا ساكتين ومستسلمين لو حتى كنا مضغطوين لازم يكون معانا صوت جوا السكوت بيقولنا كفاية كده حبة هدوء وحبة براح علشان نكمل مشوارنا بنجاح من غير ما ندى أى فرصة لأى حد يغلب سكوتنا ويسرق نجاحنا….
د صفاء مختار مستشارة وباحثة أنسانية وكاتبة مصرية ولايف كوتش
مفيهاش زعل…
