جاتني..
على غفلة..
متناغمة مبسمة..
جاتني..
على غفلة..
فحملة ترانيم..
مساوية فالكلمة..
منمقة بأحلى تقاسيم..
هازة بيدها..
سلة حروف متناسقة..
لميزان الألحان..
ناي حزين..
كمان رنين..
والقانون مسطر بتلاوين..
مرة طالع…
مرة هابط..
بصوت حنين..
بجنابُ حمامة..
مرة تمشي..
مرة تجري تتراقص..
بإيقاع متين..
وُنّسْت راسي..
قلت هاذي فرصة..
فجناني جنان العرسة..
نسيقها بْمَا (ء) وادي..
تتغنى بها نشادي..
توصلني مرادي..
يترقى ولفي..
☆☆☆☆☆☆☆☆☆☆☆☆☆
فغفلة نومي..
تشتت حرفي..
لقيت ضاع حلمي..
عدت نصيح نصيح..
ونادي..
شكون فيكم يكون لي اعوين؟!!..
لحروفي..
نجمع نلملمها..
حرف..حرف..
نردها لسلة حروفي..
نتغنى بها..
فأجمل موال..
هذا درب ولفي..
سوق حرفي..
مرفرف فسماه حر..
حر….أنت ياحرفي..
ديما حر ياااا حرفي..
بغيتك تبقى فصفي..
محمد المعداني
