نوستالجيا: زينب السيمو برلمانية الفريق التجمعي تصريحات مكتوبة لطاقم اخبار 7

نوستالجيا: زينب السيمو برلمانية الفريق التجمعي تصريحات مكتوبة لطاقم اخبار 7

إني أؤمن يقينا أن سعادتنا تكمن في مساعدة الاخرين ، وأن السعادة في العطاء تفوق السعادة فيما يعطيه لنا الآخرون.فإن كانت الابتسامة صدقة فرسمها على وجوه الناس أجره عظيم عند الله.إن الخير فينا متجدر والعطاء سمة يعرفها فينا الخصوم قبل الأصدقاء قد يقول البعض أن المستحب في الصدقة إخفاءها لهؤلاء سأذكرهم بقول المولى عز وجل في محكم تنزيله الحكيم “ٱلَّذِينَ يُنفِقُونَ أَمْوَٰلَهُم بِٱلَّيْلِ وَٱلنَّهَارِ سِرًّا وَعَلَانِيَةً فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ”
وللناس اللي كيقولوا تصدقوا في السر شكون قالكوم مكنتصدقوش سرا وأظن أنني التزمت بأقصى شروط الإنسانية في توزيع أضاحي العيد حيث أنني لم أقم بنشر صورة اي أحد من المستفدين ومستغليتش لا صوتهم لا صورتهم بالعكس وصلتهم الاضاحي بيدي فوق تريبورتور في درجة حرارة كتجاوز 44 أنت ولا أنتي اللي معجبكومش هادشي كنتو مخبعين من الصهد أو الشمس وشادين التيليفون و كتكرتيكيو..ولا يعجبكم العجب ولا الصيام في رجب خلاها جحا
و باش مانساوش أن هادوك لي كيقولو كنديرو السياسة راه كاين بعض من اصحاب السياسة نااااعسين تاتوصل الانتخابات و كيفيقو اما حنى راه كنا و غنبقاو ديما قراب من الناس حيت مادخلناش السياسة باش نتخبعوا أو نستغلو النفود بالعكس و إنما باش نكونوا صوت الشعب فقبة البرلمان وراه ديما حاضرة ماشي بالشفوي. لكن بمقترحات فعالة و حلول منطقية و واقعية و لكم في مداخلاتنا و مرافعاتنا لا في اللجان و لا فالجلسات العامة خير دليل ولكن و الأساسي بالنسبة لي رأيكم لا يُهِم وهاد الانتقاد ديالكم ماللي كنوزنوا في ميزان العقلاء كيجيني خاوي داكشي علاش كنديرو حجر تحت رجلي كنطلع بيه وكنبني بيه وللناس اللي كيقولوا تبارك الله منين كتجيب الجهد باش دير هادشي كامل سأشارككم السر: العطاء وفك كربة محتاج هي وقودنا اللٌذي لا ينضب و محركنا نحو غدٍ افضل
ونزيدكم راه فكل عمل ديال الخير عمل إحساني إنساني جمعوي هتلقاو فيه زينب السيمو شئتم أم أبيتم.
بديت كنوزع القفة من 2005 وانا مازال ف الثانوي الكتوبة المحافظ أضحيات العيد اكيد بمساعدات الواليد الله يباركلي فيه ويبعد عليه كل شر من بعد 2015 ماللي رجعت عضوة مستشارة بجهة طنجة تطوان الحسيمة و مستشارة بمجلس البلدي القصر الكبير زيدت طورت من العمل ديالي بدرجة أكبر ختان الأطفال العرس الجماعي وخلاص الكتب والطابليات والقفة كبابط الكاشات ف البرد حدث ولا حرج ورجعت نفرق الورود في عيد المرأة الكمامات فكورونا الميكات ف عيد الأضحى وزيد وزيد وفيما يخص العمل الإجتماعي الدواء للناس المحتاجة مازوط الامبيلونص سكانير مرضى السرطان ذوي الاحتياجات الخاصة كنديرو يدنا والله كيجيب التيسير الحاصول الله يقدرنا على فعل الخير بقينا ف السياسة مابقيناش هادشي هنديروه ونبقاو نديروه حيت بساطة كنديرو بحب ومن القلب ولا انتظر جزاءا أو شكورا إلا من الله عز وجل وعلى نياتكم ترزقون.
نحن لا ندعي اننا قادرون على تغطية جميع طلبات الناس لأن هذا دور الدولة لكننا نسعى جاهدين للقيام بكل ما نستطيع باش مايجيش شي حد يقولي ان صونيتلك او كتبتلك ميساج او تعليق و ما تفعلتيش معايا غانقولكم الغالب الله كانديرو داكشي لي فالاستطلاع ديالنا وإرضاء كافة الناس غاية لا تدرك و الله ولي التوفيق
تصبحون على غد أجمل غد خال من والغيرة والحسد ؛
مواكبة طاقم اخبار 7 جهة الشمال

اترك رد