الحياة..

الحياة رحلة جميلة مليانة محطات خطر ومحطات سعادة وخير كل حاجة فيها لها وجهين زى العملة المعدنية كتابة وملك أو كتابة وصورة …
أما الحياة فالوجهين بتوعها هما الحقيقة والزيف .
الخير والشر .
الصراحة والكذب .
الحياة ربنا خلقنا فيها علشان نستخدم عقلنا النعمة الكبيرة إللى ربنا وهبها لنا علشان تكون مفتاح لنا نفتح بيه كل الابواب ونتعرف ونتكيف مع أى أختلاف . … كتير حياتنا بتكون كتاب متسجلة فيها كل خطواتنا وتاريخ ميلادنا وأنجازات حققناها وحاجات تانية وقفنا قدامها محتارين مش عارفين نحل أو نكمل سعي في طريقنا إلى مشناه …وبيوقف قدامنا تحدى وألف سؤال ليه وأزاى نتخطى ونعدى كل ده علشان نكون راضيين وقادرين نعيش ونسند بيوتنا وحياتنا وإللى متعلقين معانا في نفس مركبنا ومعتمدين علينا وواثقين أننا مكملين…
بس في الحقيقة الثقة دى بتكون في رب العالمين وإللى وهبنا عقل وفطرة نقدر من خلالهم نتخطى الصعاب ونستحمل ويكون جوانا يقين وأصرار أن الحياة تستحق مننا نعافر ونقوى علشان نكمل مشوارنا ورحلتنا بالعملة إللى ليها وجهين وبيكون وقتها معانا مفتاح يفتح لنا كل باب أتقفل وأتعلمنا من وقتها أزاى نشغل عقلنا ولا يصعب علينا باب مكناش عارفين نفتحه منين .
الدكتوره صفاء مختار مستشارة وباحثة أنسانية وكاتبة ولايف كوتش