لو فضلت أبتدى كل يوم بكلمة براح حيكون فيها حروف أسمك علشان أنا شفت نور الصباح بأول حرف من رسمك…
لما تطلع شمس النهار بتنادى في السماء دفء نور عينك ولمسه من أيدك يبقي أتفردلى جناح خدنى فوق في السما لملامحك وتفاصيل كل كلمة من حرفك..
لو حكون في يوم نور الصباح حيبقي لأنى شفت في ملامحى وشبهى في عيونك وقلبك…
خلي ليا مكان فوق جبينك جمبك عقلك وفكرك أوصفنى طير زهرة بريئة في بستانك ورسمك..
متبعدنيش وخلي باب الأمل مفتوح يدخلى منه دفء وهواء يدخل عبير ونهر عذب يروى العطش لكل سائل في دروب أرضك…
أنا لو حكون عصفور أو حتى طيف وضله واصله فوق كتافك بين أيديك حيكون عشان قلبي نطق أسمك وعقلي وفكرى كانوا جسر يعبر ويدخل يروي أرضك..
متبعدنيش وخلينى جمبك زى بدر القمر في ليل سنين مستنى سهمك…
دكتوره صفاء مختار.
