صفحة بيضاء

أحنا بنتولد زى الصفحه البيضاء بنتولد أبيض وأسود من غير ألوان….
وكل يوم وسنة بنكبر فيه بتترسم درجة ولون من بلتته الألوان.. .في ناس ربنا نور عقلها وأبصرها تقدر تلون وتكتب في صفحتها كل ما هو جميل يسعد القلب والعين…
أحنا إللى نقدر نتحكم في درجة اللون غامق علطول أو ألوان زاهية وجميلة زى بستان مليان ورد وزهور واحنا إللى بأيدينا نقرر أيه بردوا إلى حيتكتب ويتحكى ويفضل ذكري متسجلة في كتابنا نفتخر نحكيه لولادنا ونعلم بيه غيرنا أجيال بعدنا كتير …
من يوم ما بنتولد بيفضل جوانا جزء أبيض عايش معانا علطول نضيف وطاهر أتخلقنا وهو ميزة فارقة في حياتنا ونور بيظهر في روحنا يبان في وشوشنا ويخلينا نعدى بيها جسور….
السماحة والصدق والطيبة والمحبة والسلام في أروحنا من يوم ميلادنا بيفضلوا معانا بس بشرط أننا نتمسك جدا بيهم ولا نتخلي عنهم يوم لأنهم من روح خالقنا يوم ما نفخ فينا بعد ما خلقنا….
قرارنا وأختيارنا هما قوة أستمرارنا في الحياة بأعظم صفات المخلوقات وهى أننا أنسان…
عود نفسك تعيش بالصفات الربانيه إللى أتخلقت بيها وأتولدلت صفحة بيضاء من غير ألوان ومتهتمش بغير ملامحك الحقيقية وأزاى ممكن تكمل وأنت واثق مقرر أنك حتفضل مكمل بصفات أنسان في السلام والمحبة والتسامح والخير…
د صفاء مختار مستشارة وباحثة أنسانية وكاتبة ولايف كوتش